Tre ‘nnammurate

Cielo,
Sì celeste e lucente,
‘Stu core ardente
Tu m’ ‘o faje scetà.

Mare,
Sì geluso ‘e ‘st’ammore
Ma, pe’ ffavore,
Nun me turmentà!

Nenna nun ce sta:
Che suspirammo a ffà?

Cielo, mare,
Stanotte vuje cantate ‘nziem’ a mme.
Pecché, pecché, pecché
Cantate ‘nziem’ a mme?
Cielo! Mare!
D’ ‘a stessa femmena
Nce simmo ‘nnammurate
Tutt’ ‘e ttre.

Cielo,
Mò te vieste ‘e diamante
Pe’ ffà ll’amante
Tale e quale a mme.

Mare,
Che tuletta stasera!
Pur’ ‘a scugliera
Lluce comm’a cchè.

Nenna vò vedè
Chi ‘a vence ‘e tutte ‘e ttre.

Cielo, mare,
Stanotte vuje cantate ‘nziem’ a mme.
Pecché, pecché, pecché
Cantate ‘nziem’ a mme?
Cielo! Mare!
D’ ‘a stessa femmena
Nce simmo ‘nnammurate
Tutt’ ‘e ttre.