Senza nisciuno

Tramonta ‘o sole,
                vintiquatt’ore…
                Sona ‘avemmaria…
                Senza parole
                mme faccio ‘a croce
                e penzo a mamma mia…
 
                Che malasciorte, ahimé!
                Sulo,
                senza nisciuno…
                e tu…
                tu morta si’ pe’ me…
                tu morta si’ pe’ me…
 
                                                                II
 
                E tu addó’ staje?
                Tu ride e si’ felice
                o si’ scuntenta?
                Nun chiagne maje?
                E stu turmiento
                nun te turmenta?
 
                Che malasciorte, ahimé!
                Sulo,
                senza nisciuno…
                e tu…
                tu morta si’ pe’ me
                tu morta si’ pe’ me!