Purtatele ‘stu core

‘Purtatele ‘stu core nnamurato
dicitele c’a voglia bene ancora,
che me ne more e l’aggio purdunata,
cercatele si ‘a casa nun ce sta!
Tutt ‘e bellizze ‘e Napule
vurria vede’ stasera ,
nu poco e stu Vesuvio
e a luna miezo ‘o mare,
vurria canta’ pe n’ora
l’urdema serenata
e pe le da’ nu vaso che nun me fa sana’!
Gia scenne ‘a notte inte ‘o core mio,
già veche scura’ ‘o juorno
e veni’ a sera ,Napule bella
te saluto , addio, mare ‘ncantato
t’aggia saluta’!
Saglie n’addore d’evera
da tutti sti ciardine
nun ‘a facite sperdere
chest’aria accussi’ fina,
canta ‘na capinera ,
l’aria s’è prufumata ,
l’urdema primmavera me vene a salutà!
purtatele stu core ‘mpiette mo’
s’è scetate, truvate vuie ‘na scusa
pe nun ‘a fa suffri’!