‘O vico d”e suspire

Guaglio’, guaglio’
sta attiento a te che tu nce lasse ‘o core
comme a me , nce lasse ‘o core!
L’urdema bonasera, o vico se fa scuro,
e na canzona saglie muro muro!
Nun te staje danne pace
oi giuvinotto ‘e voce,
t’ha scapricciato e mo’ te lasse ‘ncroce.
Chiste se chiamma o vico d’e suspire
chi s’annammora cca nce lassa ‘o core
se ne so perze giuvine d’onore,
cchiu’ belle e te, cchiu’ nziste ‘e te.
Stella d’a primmavera e lacreme d’a sera,
ogne balcone è na fattura nera!
‘O vico d’e suspire, figliole senza core!
Luce inte ‘o scuro ‘na vucchella ‘e vase
l’ombra e nu nnamurato nun reposa,
trovate, giuvino’, n’ata sposa
chella te ‘nganna e po’ te fa danna’
Stella d’a primmavera e lacreme d’a sera
ogne balcone è na fattura nera!
O vico d’e suspire, figliole senza core!