‘O pizzaiuolo nuovo
A ‘o pprincipio d”o Cavone,
addó’ steva ‘o pastajuolo,
mo sta ‘o capo pizzajuolo:
nun putite maje sbagliá…
Quanno sforna chelli ppizze,
saglie ‘addore p”o quartiere!
Ma che pizze! Só’ pastiere,
sfugliatelle? Ma che só’?
P’otto solde sulamente,
se pò fá ‘e quatto manere…
Pe’ na mamma è nu piacere:
quanno ‘a sparte, fa accussí…
 nennélla, cu ‘a pummarola,
ô nennillo, cu ‘o ceceniello,
ô cchiù gruosso, cu ‘o fungetiello…
ll’atu riesto…s”o vvede mammá…
 nennella, cu ‘a pummarola,
ô nennillo, cu ‘o ceceniello,
ô cchiù gruosso, cu ‘o fungetiello…
ll’atu riesto…s”o vvede mammá…
II
Quann’è ‘a festa, ‘a principala,
pe’ ‘mpastá, scenne essa apposta:
llá nce vò’ na forza tosta,
‘nfacci’â mártola, a ‘mpastá…
“Principá’, comm”a tenite?”
Ve risponne: “‘A tengo chiena!”
cu na grazia ch’è na pena
pe’ chi passa e ha da sperí…
P’otto solde sulamente,
………………………………..
III
Chi se ‘mmocca ‘o primmo muorzo,
fosse pure nu barone,
nun ‘o lassa ‘o curnicione…
Chi nun crede, ha da pruvá!
Vi’ che t’esce ‘a chillu furno…
ma che sciure, che bellizze!
Só’ caruófane sti ppizze…
quant’è certa ‘a libertá!
P’otto solde sulamente,
………………………………..
