Miette ‘a meglia

Avimme fatto pace
nce simme appicicate
nce simme riappaciate
pe turnarce appicica’
cchiu’ e ciente vote
tu m’e disprezzato
cchiu’ e ciente vote
t’aggio perdunata
ma sei troppo volubile
scontrosa, fatalona
io voglio na guagliona
che me sape sfizia’!
Miette a meglia
m’aggio truvato n’ata nnammurata
miette ‘a meglia
è bella e bona comme ‘na cassata!
tene ‘nfronte duie curvine
mmocca ‘a fravula e ‘a nanassa
e po’ ‘o risto che sta appriesso
tutta robba a fa sciata’
miette a meglia
miette a meglia piccere’.
Dicevi ch’ero brutto,
che tu mi tolleravi
e quanno te parlavo
cu ‘a distanza aveva sta,
mo’ stongo a zicca a zicca
‘a musso e a musso
ch’e meglio figliulelle ‘e Ponte Russe
e ll’ate se prenotano e settimane sane
e tu non trovi un tale
che ti viene ‘a corteggia’!
miette a meglia
miette a meglia piccere’.
è bella e bona comme ‘na cassata!
tene ‘nfronte duie curvine
mmocca ‘a fravula e ‘a nanassa
e po’ ‘o risto che sta appriesso
tutta robba a fa sciata’
Stasera a Margellina
pricise ‘mpunto e sette
m’aspetta ‘na brunetta
chiena e vase pe me da’
si ‘a vuo’ vede’
quanno me cade ‘mbraccia
vieni inte ‘o scuro ‘e faccia ‘e faccia
e se te piglia ‘a smania
p’a troppa gelusia
a mare , gioia mia, te puo’ subbete mena’!
Miette ‘a meglia,
mo’ stongo dinte ‘o scuro ‘a Margellina,
miette ‘a meglia,
comme è carnale chi me sta vicino
Tu si tu, core ‘e stu core,
te si arresa finalmente
chiena e vase cucente,
si caduta ‘mbracci’a me!
Tu si ‘a meglia,
tu si a meglia piccere’!