Madonna de lu Carmine
SORE’…’A MARONN!!!!
Maronna de lù Càrmene chiammata “MAMMA BRUNA”
teneva mente a Napule ”chiù scavèza e dìune”,
da ‘a coppa ‘o campanaro stà città teneve mente
sotta ‘a essa,’mieze ‘o ”ffuoco comma ‘a ”llanema pezzente.
Nu’ pezzente ajezanne ‘e ‘bbraccia sta’ Maronna jastemmaje:
“Uè Maronna chesta ‘e troppe..che ce faje dall’oche ‘ncoppe?
nunn’ ‘o ”vire o sì cecata comme stammo scunzulate?
so’ aumentate li gabbelle…stammo tutte osse e pelle!!!”
Nu mariuolo addunucchiate “mamma, simme figlie a ‘vvuje!!
stu guverno ca ce struje è cchiù mariuolo ‘e nuje!!”.
“Miettanciella tu na mano” rispunnette na’ puttana
ca’ nuje stamme comme ‘e cane p’abbuscà nu muorz’ ‘e pane!!”.
..e ‘a Maronna finalmente gira ”ll’uocchie ‘a chesta via
e po’ lavenaro a e’ virgine vede ‘a famma e’ ‘a carestia.
Vere chi s’abboffa e magna ‘ncoppa ‘e spalle e tanta gente
e chi more scarpesato..muorto e famme e sanza niente!!.
Avvere tanta miseria se schiantaje ‘a Mamma Santa
e na’ lacrema lucente le scennette ‘ncoppa ‘o manto.
Avvere tanta dulore se chiammaje a San Gennaro:
“Ne’ Jennà si prutettore o facisse ‘o ricuttaro?”.
San Gennaro le risponne:
“Nun song’hio so’ stì signure,ca’ pe’ fa murire a Napule hanne fatto na’ fattura.
Na fattura ca’ facette chillu riavule mal’osso,
ca’ da Spagna accumparette p’arredurce pelle e osse!!”
..e ‘a Maronna pe’ cunziglie jette subbete addò figlio:
“Gesu’ Crì,siente stà voce..tutta Napule stà ‘ncroce!!!”
Gesù Cristo ca’ sentette…(n’ata lancia dinte ‘o custato)..
mannaje n’Angelo da ‘o cielo pe’ chest’aneme abbandunate.
Ce mannaje n’angiulillo puveriello e piccerillo,
st’angiulillo capuzziello se chiammava:”MASANIELLO”
Masaniello ‘o marenaro…San Giuanne ‘o fa’ ‘o cumpare..e
a Maronna ‘o cunnulèa e contro ‘o diavule ‘o ”mmezzèa.
Po gruosso Masaniello corra e va’ da satanasso
pe tagliarce chella cora ca’ ‘ngrassava cu ”llì tasse!!.
“”Sì nu’ diavule o si crapa?quanta corna tiene ‘ncapa!!
tiene ciente curnicelle..quanne songo stì gabbelle.”
ma stù diavule birbone manna ‘o Vicerè ‘n persona
ca te manno a dà lezione:”gia’ te caco dinte ‘o cazone?”.
Masaniello ”cchiù ‘ncazzate:”ùh! mannaggia chi te’ nate!!.
bruttu puoche scurnacchiato ..teccatelle sta’ mazziata!!”
“Carugnone, ‘a panza sotto e ‘stu cunto cchiù nun torna
masaniello ‘o ‘cchiappa ‘a sotto e po’ aroppa o spezza e’ corna.
piglia ‘a mazza e na’ scuppetta e ‘ ciacchèa ‘ncoppa ‘a cianche.
po’ ‘o fa comma ‘a na’ purpetta e po’ aroppa ‘o scomma ‘e sango.
scappa ‘o diavule dannato…e signure so’ addulurate,
so’ levate lì gabbelle..e fernuta a zezzenella!
schiatto ‘o diavule sotte ‘a vesta…a Maronna sta’ ‘nfenesta!!
tutte ‘o popolo fa’ festa:”Masaniello e’ CAPINTESTA!!!.
ringraziammo a sta’ Maronna ca’ chist’angiule mannaje.
Masaniello ‘o figlie suojo ca’ stu’ popolo cunzulaje.
SORE’…’A MARONN!!!
