Lo golio de ‘na figliola

Mamma, mamma, ca moro, ca moro
pe no gulìo ch’a l’uorto ‘nce sta.
-Figlia ‘nce stace la lattughella
-vattenne a ll’uorto, và te la fà.
Oje mamma ca nò, oje mamma ca nò,
la lattughella, la lattughella sanà non me pò,
no, sanà non me pò!
Mamma, mamma, ca moro, ca moro
pe no gulìo ch’a l’uorto ‘nce sta.
-Figlia ‘nce stace lo cerefuoglio,
-vattenne a ll’uorto, và te la fà.
Oje mamma ca nò, oje mamma ca nò,
lo cerefuoglio sanà non me pò,
no, sanà non me pò!
Mamma, mamma, ca moro, ca moro
pe no gulìo ch’a l’uorto ‘nce sta.
-Figlia ‘nce stace lu vruoccolillo,
-vattenne a ll’uorto, và te la fà.
Oje mamma ca nò, oje mamma ca nò,
lu vruoccolillo sanà non me pò,
no, sanà non me pò!
Mamma, mamma, ca moro, ca moro
pe no gulìo ch’a l’uorto ‘nce sta.
-Figlia ‘nce stace lu parulano,
-vattenne a ll’uorto, vance a parlà.
mamma ca sì, mamma ca sì,
lu parulano me fa murì.