Lassammoce Marì

Sí capisco ca ll’ammore
                        passa e ‘o tiempo ‘o fa cagná
                        e ca resta dint”o core
                        nu ricordo ‘e falsitá…

                        Ma però, si se vò’ bene
                        tanto e cu sinceritá,
                        nun ce sta tiempo ca vène
                        ca st’ammore fa scurdá…

                        Che t’aggi”a dí?
                        fa’ chello che vuó’ tu…
                        nun voglio cchiù suffrí…
                        lássame ‘mpace.
                        Che pòzzo fá?
                        lassámmoce accussí,
                        si nun mme saje cchiù dí
                        parole doce…
                        Senza cchiù te,
                        senza cchiù te vedé…
                        chi sa che ne succede ‘e me.
                        Ma senza ammore è inutile,
                        nun ce se pò cchiù ‘ntènnere…
                        Lassámmoce, Marí’!