L’acquaiuolo

“Neh, che bell’acqua!”
Dorme sta scellerata!
Quann’era ‘nnammurata
steva affacciata già!
“’A limunata fresca!”
Mo dorme a scialacore18
pecché nun c’è l’ammore
ca ‘e notte ‘a va a sceta’!
“Chi vò vevere!”
Me daie veleno amaro,
me faie magna’ ‘o limone
maltratte a stu sciascione19…
– So’ tipo ‘a disprezza’?!
“Neh, che bell’acqua fresca!”
Pe’ chesta capa sciacqua
aggio perduta ‘a mummera!
“Che bell’acqua!”
“Neh, ma pruvatela, ch’è fresca
Embè, ‘a scassasse ‘a faccia!
Chella mo nun s’affaccia,
pe’ farme amariggia’!
“’A limunata fresca!”
E ‘n frisc me mantene…
Ma è sango dint’ ‘e vvene,
acqua zurfegna o che?
“Chi vò vevere!”
Mannaggia ‘o sole ‘Austo
ca coce e ‘nfoca ‘e ccape!
Si tu mo piglie e arape,
t’ ‘a vengo a renfrisca’!
“’A limunata fresca!”
E manco ‘a testa arracqua
chisà comme ‘a tene arza
Che bell’acqua!”
Embè, me dicette,
Dimane viene ampressa ca io stongo assetata…
Saglie ‘ncoppa… ’Ngignammo ‘a mmummera
… Facimmo a limunata
E si sentite a essa, ca more e spanteca2 pe’ mme!
…Essa po’ che ha dda dicere?
“Acquaiuo’, ll’acqua è fredda?
Eh, manco ‘a neve!”
“E accatteme chesto…”
“Pronto!” “E accatteme chello!” “Eccuce!”,
“E voglio chesto e voglio chello…
E voglio chello e voglio chesto…”,
m’ha spremmuto comm’ a nu limone, m’ha spremmuto!
S’ha magnato ‘a vintiquatto lire dint’ a manco se’ mise
“Neh, che bell’acqua!”
E io stongo ccà ‘a doie ore:
st’acqua s’è fatta broro,
certo mo vullarrà!
“Ca chesta gela ‘e diente!”,
Brutta ‘nfama assassina,
e comme, ogne matina
me vengo a ‘ntusseca’?
“Chi vò vevere?”
Meglio è ca me ne vaco…