‘E parlammene ancora

E parlammene ancora
si ‘e parole stasera stanno ascenno d”o core
statte ‘n’ata mez’ora e parlammene ancora
Mammà nun dorme si’ nun m’arretiro
pero’ facimmencenno ‘n’atu ggiro
cu doje parole ‘n’terra Margellina
e st’uocchie ca me guardano ‘a vicino
e ‘a luna ca stanott’é ‘nu limone pe tte so’ pane
e fatte cchiu’ vicino ca nun sento
si ‘o core sta sbattenno veramente
o é sulo ‘o viento ca vene mo’
e parlammene ancora E parlammene ancora
ca parla’ ce ffa’ bbene si nun passa nisciuno
‘o curaggio me vene e te piglio p”a mana
Stanotte é vierno pare primmavera
si mmane e mmane cammenammo a pere
saglienno ‘e strade antiche d”e quartiere
vide tutti sti panne spase so’ bandiere
e ‘a luna ca stanotte é ‘nu limone pe’ tte so’ pane
e fatte cchiu’ vicino ca nun sento
si ‘o core sta sbattenno veramente o é sulo
‘o viento ca vene mo’
e parlammene ancora
o é sulo ‘o viento ca vene mo’
e parlammene ancora