Ddoje lacreme

‘Stu treno ca te porta assaje luntano
già accumencia chianu chiano a cammenà,
tu mme salute e ‘o fazzuletto pare
‘na palomma ca scumpare, sparita é già!
‘O treno corre, addio! Te ne si’ ghiuta!
E a me, che resto, che mme resta ‘e te?
Ddoje lagreme, ddoje lagreme lucevano
d’int’ ‘a chist’uocchie belle ,
ca chiagnevano pe’ mme!
Che mm’è rimasto ‘e te?
Doje lagreme, ma, appena ‘e stelle moreno,
dimane stesso ‘o sole te’ ‘ppo asciuttà!
Ddoje lagreme, e notte ghiuorno cadono
dall’uocchie mieje pe’ tte, pe’ tte,
‘ncopp’ ‘a ‘stu core mio’…