Carnevale ‘n galera

Cumpagne ‘e catene sta fernenno carnevale
mangia e beve chi se trova a libertà
‘a sacca sta chiena nuje facimmo tale e quale
pecchè a ranne ‘o bene ‘e Dio ce manne ccà
quanna cibe prelibate pe’ stasera
chesta è ‘a meglio trattoria nun è ‘a galera
l’urdemo martedì carnevale è fernuto
ma pure ‘o detenuto se pò allere sentì
ma songhe ‘e stesse maschere ca’ nuje purtamme cca
pur’io annasconne ‘e lacreme pe’ nun te fa addunà

Mo a tavola è pronta perdunateme ‘stu sfogo
ca’ stasera s’hadda ridere e cantà
e ‘a luna già è pronta mò sentite a n’atu ppoco
vene ‘o sciore da pusteggia sotte cca
aggiu data ‘na butteglia ‘o carceriere
l’aggiu ditto ‘nzerra ‘n’uocchie pe’ piacere
l’urdemo martedì carnevale è fernuto
ma pure ‘o detenuto se pò allere sentì
po’ munne rise e maschere embè pure nuje cca
ce l’asciuttamme ‘e lacreme penzamme a ce spassà

‘Stu vino è ‘n’amore te ne vive ‘nu bicchiere
te ristuore e dice tutta ‘a verità
sultante a Totore nun le fa tanto piacere
se veve acqua e l’acqua nun ‘o fa parlà
nun ‘o siente mezanotte è già sunata
pecchè puorte ancora ‘a faccia mascherata
l’urdemo martedì carnevale è fernuto
me pare che è venuto ‘o mumento ‘e vò ddì
mo ta lev’io ‘sta maschera che ‘a forza vuò tenè
disonoraste ‘a sorema e io mo t’accide a te