Ricordo ‘e maggio

Era ‘e maggio, verso ‘e quinnice d”o mese
‘a strada meza asciutta e meza ‘nfosa
‘nu cielo celeste e nuvoloso
e ‘n’aria quase ‘nfosa, era maggio
verso ‘e quinnece d”o mese.
‘Nu ventariello doce e preputente
smuveva ‘sti capille tutte quante
nervosa e allera redive comm”a che
e me pareva chistu viso tuoje
‘nu vole ‘e colombe bianche miezo ‘o cielo
celeste sotto ‘o sole io io te vasaie
‘na vota ‘n’ata vota ciente vote
appriesse appriesse senza me fermà
ma pò ‘mpruvvisamente dicette ma che faje
tu tiene ‘a faccia ‘nfosa e tu redenne
me diciste è niente sò gocce d’acqua
ca’ ‘o viente ‘a coppe ‘e fronne fa cadè.
Nun è maggio nun sò ‘e quinnece d”o mese
‘a strada è tutta asciutta nun è ‘nfosa
che cosa strana mò tu nun ce staje
e io tengo ‘a faccia ‘nfosa
nun è maggio nun sò ‘e quinnece d”o mese.