Ammore celeste

Voce d’ammore che cantano
tutt”e chitarre che sonano
migliare ‘e stelle che luceno
tutto l’incanto do’ mare blu
che so’ che so’ pe’ me so’ niente.
pe’ me ce vonno doje lune belle ‘e care
doje sole d’oro pe’ fatte cchiù sunnà
ma ‘a luna no pecchè s’ cchiù ‘e ‘na luna
e nu sole d’oro nu’ luce comm”a tte
me faje restà ‘ncantato
guardanne st’uocchie tuoie
me pare ‘e fa peccato
quanno penzo ‘e te vasà
pe’ me ce vonno doje lune belle ‘e care
doje sole d’oro pe’ fatte cchiù sunnà
pe’ me ce vo’ ‘na musica celeste
pe’ cantà st’ammore celeste comm”a te.
pe’ me ce vo’ ‘na musica celeste
pe’ cantà st’ammore celeste comm”a te
celeste comm”a te celeste comm”a te.