Varca lucente

Onna che vaje,
onna che viene,
canta stanotte cu me!
Stelle accustateve a prora,
tutt’a luce purtate, pecchè
si s’è addurmuta
Nenna se sceta…
Voglio che m’hadda sentì

‘O mare s’è addurmuto,
‘a luna s’è ‘ncantata,
‘e stelle sò cadute
dint’a sta varca, oj Nè!

Nun t’addurmì, ma siente
tutt’a passione ‘e sta voce,
ch’è suspirosa e ddoce
e ‘a porta “Ammore” addù te.

Luce sta varca,chiagne ‘na voce
spera nu core pecchè,
‘ncoppa a nu lietto addiruso
nenna aspetta, cu mme vo’ durmi’
vocca cu vocca, senza respiro
‘nzieme vulimme muri’


Nun t’addurmì, ma siente
tutt’a passione ‘e sta voce,
ch’è suspirosa e ddoce
e ‘a porta “Ammore” addù te
Tant’anne so passate
na varca aspetta annascusa
ma ‘a fenestella è ‘nchiusa,
‘nchiusa pe sempe ohe!