Ricorde ‘e ‘nnammurate

‘Mmiez’ â Piazza d’ ‘o Gesù,
Addò ll’aria addore ‘e chiese,
Te purtavo ‘e primme rrose,
Tu me rive ‘e primme vase
E ‘nu suonno, mille suonne
Ricamate ‘e giuventù.

Ricorde ‘e ‘nnammurate,
Ammore mio perduto,
Che me cercate a ffà?
‘O bbene mio addò sta?

No, nun esiste cchiù niente pe’ mme,
Nun n’è cchiù notte n’è ghiuorno pecché
‘Sta voce ‘e campana nun chiamma cchiù a tte.

Ricorde ‘e ‘nnammurate,
V’astregno dint’ ê mmane.
Nun me cercate llacreme
Ca nun ne tengo cchiù.

Ricorde ‘e ‘nnammurate,
Ammore mio perduto,
Che me cercate a ffà?
‘O bbene mio addò sta?

No, nun esiste cchiù niente pe’ mme,
Nun n’è cchiù notte n’è ghiuorno pecché
‘Sta voce ‘e campana nun chiamma cchiù a tte.

Ricorde ‘e ‘nnammurate,
V’astregno dint’ ê mmane.
Nun me cercate llacreme
Ca nun ne tengo cchiù.

‘Mmiez’ â Piazza d’ ‘o Gesù
Io nun ce torno cchiù.