‘O Vesuvio

Chi è ca chiagne?
Chi è ca sta chiagnenno
‘Ncopp’ â muntagna?
Pare ‘na voce antica
Ca se lagna.
Chi è ca chiagne?

È ‘o gigante da’ muntagna,
Ma comme se lagna!
Ma comme se lagna!
Ma comme se lagna!

Teneva ‘o ffuoco
Dint’ ê vvene
E mò viv’appena!
E mò viv’appena!
E mò viv’appena!

Teneva ‘e capille
Ca scuravano ‘o sole.
Cu Napule tutta
Faceva ll’ammore.

Teneva ‘na forza
Ca si s’arraggiava
‘A ggente tremmava,
Tremmava ‘e paura.

Pe’ ‘stu gigante da’ muntagna
Mò Napule chiagne,
Mò Napule chiagne,
Mò Napule chiagne.

E scenne d’ ‘o cielo
‘Na nuvola rosa,
S’ ‘o piglia dint’ ê bbraccia
E mentre s’ ‘o vasa
Se sente ‘a luntano
‘Na mandulinata.
È Napule tutta
Ca vene a cantà.

Pe’ ‘stu gigante da’ muntagna
Mò Napule canta,
Mò Napule chiagne,
Mò Napule canta,
Mò Napule chiagne.