‘O ‘nfinfero

Chillo putesse stà
dint”a meglia vetrina
Chillo se pò chiammà:
“Cuollo tuosto e pulzine!”
E io dico:”Comme và ca Mariannina,
ca,’e dint’a stu quartiere,era ‘a riggina,
cu tanta giuvanotte,
tutt’uommene deritta,
s’è mise proprio cu stu guaio ‘e notte?”
Venitelo a vedè, mò passe ‘o ‘nfinfero,
c”o cuollo ‘mpuzumato
e ‘a capa a gliòmmero!
E se dà ll’aria ‘e n’ommo ammartenato,
ma nun è overo,io ll’aggio canusciuto!
E’ nu buono guaglione! Veramente ch’è buono!
Forse è tre vote buono,
troppo buono pè chella llà!
Chella vò pazzià…
e vvabbè s’è capito!
Tanto s’hadda spassà,
quanno pò s’è spassata,
io afferro ‘o pupo e ‘o faccio na mmasciata.
Le dico:”Giuvinò,cagnate strada!
Vuliveve fà ‘o gallo con questa pollanghella?
Vallà!Vattè,ca sì nu pappavallo!”
Venitelo a vedè,
mò passe ‘o ‘nfinfero, c”o cuollo ‘mpuzumato
e ‘a capa a gliòmmero!
E se dà ll’aria ‘e n’ommo ammartenato,
ma nun è overo,io ll’aggio canusciuto!
E’ nu buono guaglione! Veramente ch’è buono!
Forse è tre vote buono,
troppo buono pè chella llà!
E se dà ll’aria ‘e n’ommo ammartenato,
ma nun è overo,io ll’aggio canusciuto!
E’ nu buono guaglione! Veramente ch’è buono!
Forse è tre vote buono,
troppo buono pè chella llà!
troppo buono troppo buono
troppo buono pe’ chella la’!