‘O cunto e Palummella

Chisto è ‘o cunto ‘e Palummella
tale e quale vo voglio cuntà
da’ Turretta era ‘a nenna cchiù bella
pure ‘o sole faceva ‘ncantà
e accussì me ‘ncantaie chella sera
e vulanno vulanno venette cu ‘ mme
e che bene che bene nascette
pareva ‘nu suonno ‘e ‘na notte d’està
pe’ quatt’anne purtaje a ‘st’ammore
tutto ‘o profumo ‘e violette e lillà
Palummella era tutta da’ mia
nun ce steva ‘nu bene accussì
e vulava vulava pa’ casa
‘nu juorno po’ ascette
senza mai riturnà
ma ‘na sera ca’ sapette
Palummella addò steva a vulà
cu’ ‘na freva d’ammore currette
‘mpietto ‘o core sentette ‘e fermà
fuje ‘nu strillo chiagnevene ‘e stelle
e ‘a cchiù bella palomma murette pe’ me
Ah che sera che sera spuntaje
addio suonne doce ‘e ‘na notte d’està
tutt”e vase se l’era scurdate
‘nzieme ‘o profumo ‘e violette e lillà
Palummella cchiù nun era d”a mia
‘o destino vulette accussì
quantu tiempo è passato e ‘stu core
mo dice chiagnenno nun m”ha pozzo scurdà.
Chisto è ‘o cunto ‘e Palummella
sulo ‘nzuonno mo ‘a veco ‘e vulà