‘E tre terature

Si ‘stu core io tengo ‘nchiuso e arapì nisciuno ‘o pò
vuie chiammateme scuntruso ma stu core è ‘nu cummò
cu tre bbone mascature stà ‘nzerrato ‘mpietto a me
e ‘nzerrate ‘e terature stanne pure tutt’e tre.
Ma chi tene ma chi tene ‘a chiavetella
mo vò dico mo vò dico è Peppenella
essa arape chillo ‘e coppe chillo ‘e miezzo ‘e chillo ‘e sotto
essa è stata che m’ha cuotto essa tena ‘a chiavetella
tarantella tarantella tarantella tarantè.
Spisse e spisse dint”o scuro io me sento ‘e tastià
e ‘nto primmo teraturo ‘na manella trafecà
e pe’ dinto squase ‘e vase che le stanno ‘nquantità
sta manella sciulia e trase ne pigli’uno e se ne va
Ma chi tene ma chi tene ‘a chiavetella
mo vò dico mo vò dico è Peppenella
essa arape chillo ‘e coppe chillo ‘e miezzo ‘e chillo ‘e sotto
essa è stata che m’ha cuotto essa tena ‘a chiavetella
tarantella tarantella tarantella tarantè.
Chillo ‘e sotto è ‘o teraturo cchiù azzeccuso do’ cummò
ce stà scritto io te lo giuro mai di fede mancherò
Peppenè sì pe’ mezzora tu stasera può venì
chillo ‘e miezo è chiuso ancora ma sperisce ‘e s’arapì
ghiamme ghiamme piglia ‘a chiavetella
avilloca avilloca a Peppenella
essa arape chillo ‘e coppe chillo ‘e miezzo ‘e chillo ‘e sotto
essa è stata che m’ha cuotto essa tena ‘a chiavetella
tarantella tarantella tarantella tarantè.